Bezvremeni put

Najdublja stvarnost koje ste svjesni je ona iz koje crpite svoju snagu. Ako je neko svjestan samo materijalnog svijeta, njegova snaga je ograničena samo na materijalne sile; međutim, na mnogo temeljnijiem nivou nalazi se stvaralačka snaga koja oblikuje um i tijelo – snaga evolucije ili darme. Da biste došli u dodir sa suštinom života, morate doći u dodir sa stvaralačkom silom svemira. Ta sila se izražava kroz vaše lično stvaralaštvo. Kada ste u polju stvaralaštva, gubite osjećaj za vrijeme. Postoji samo tok.

Životom upravljaju tri sile: stvaranje, održavanje i uništavanje. Sve tri su prisutne u životu ćelija, zvijezda, drveća, planeta i galaksija, jer svaki oblik mora nastati, održavati se i nestati. Iako se svaki životni vijek odvija u nekom vremenskom periodu, ove tri sile postoje istovremeno. Geni svake ćelije u sebi sadrže kodove za stvaranje novih ćelija, tu je i inteligencija koja je neko vrijeme održava i na kraju, postoje i kodovi za uništavanje ćelija da se napravi mjesta za novu generaciju tkiva. Kada svjesno pokušavate da oblikujete svoj život, tada djelujete na tu inteligenciju čija je osnova tri-u-jednom; od vas zavisi koji će njen vid prevladavati – stvaranje, održavanje ili uništavanje. Pošto imate snagu da promijenite ravnotežu tih sila, vi ste izvan i iznad njih.

Ukoliko vašim životom prevlada stvaranje, vi ćete da rastete i napredujete. Evolucija je suprotno entropiji, propadanju i starenju. Najkreativniji ljudi iz bilo kog područja života do tog razumjevanja dolaze intuitivno. Oni rastu u svjesnom prepoznavanju da su oni izvor svoje snage, i bez obzira na područje kojim se bavili, imaju neke zajedničke osobine:

  1. Dolaze u dodir s tišinom i sposobni su u njoj da uživaju.
  2. Povezani su sa prirodom i u njoj uživaju.
  3. Vjeruju svojim osjećanjima.
  4. Mogu da budu sređeni i da djeluju usred zbrke i haosa.
  5. Slični su đeci – uživaju u mašti i igri.
  6. Samosvjesni su: najveće povjerenje imaju u svoju vlastitu svijest.
  7. Nisu kruto vezani ni za koju tačku gledišta: iako su strastveno predani svojoj aktivnosti, otvoreni su novim mogućnostima.

Ovih sedam tačaka može da posluži kao praktični standard kojim mjerimo koliko stvaralaštva određuje naš život.

 

D.Č.

Kratki URL: https://zrcalo.me/?p=2031

Objavio dana ožu 31 2012. u kategoriji Uvjerenja. Možete pratiti sve u vezi ovog teksta putem RSS 2.0. Ako želite, prokomentarišite ovaj tekst

Ostavi svoj komentar

Prijava | Administrator MATOKAN